Jurist ved seksjon for sosial og familie

Seksjon for sosial og familie har eit breitt samansett, engasjert og kompetent fagmiljø med juridisk og sosialfagleg kompetanse. No søkjer vi ein ny medarbeidar som vil vere med å vidareutvikle arbeidet vårt med klagebehandling, tilsyn og rettleiing. Hos oss får du jobbe med viktige samfunnsoppgåver som har stor betydning for barn, unge og familiar – og du blir del av ein arbeidsplass med høg fagleg kvalitet og eit godt arbeidsmiljø.

Kva for oppgåver får du arbeide med?

I denne stillinga får du ein sentral rolle i vårt arbeid med å sikre rettstryggleiken på sosial- og barnevernsområdet. Du vil arbeide med ulik lovgiving og oppgåver, frå tilsyn av barnevernsinstitusjonar til behandling av klagesaker. Du vil og samarbeide tett med dei andre juristane på seksjonen og med våre sosionomar og barnevernspedagogar. Du får altså

arbeide med klagesaksbehandling og tilsyn etter sosialtjenestelova og barnevernslova
gi juridisk rettleiing til mellom anna kommunar og våre medarbeidarar
samarbeide tett med andre faggrupper i seksjonen og på tvers av seksjonane i vår organisasjon
bidra inn i utviklingsoppgåver ved behov

Andre oppgåver enn dei som er omtalt ovanfor kan og bli tillagt deg.

Kva for kvalifikasjonar har du?

Du har

norsk mastergrad i rettsvitskap
eit godt og klart norsk språk når du skriv og snakkar

Det er ein fordel at du har

relevant erfaring frå statleg eller kommunal forvaltning, til dømes frå tilsyn eller klagesaksbehandling
kjennskap til sosial- og barnevernslovgivninga

Vi vektlegg dine personlege eigenskapar spesielt. Du

trivst med å arbeide sjølvstendig og saman med andre
er fleksibel og handterer endringar i oppgåver på en god måte
er strukturert, effektiv og evner å prioritere kva som er viktig
har gode kommunikasjonseigenskapar
trivst med å rettleie andre

VI oppmodar nyutdanna juristar om å søkje. Dette inkluderer deg som er ferdig med mastergraden no til våren. Du må i så fall dokumentere at mastergraden er fullført før du kan starte i stillinga.
Politiattest som ikkje er eldre enn tre månader må kunne leggast fram før du tiltrer stillinga, jf. barnevernslova §12-11.

Hos oss får du

ein stabil arbeidsgivar med fleksibel arbeidstid
jobbe med samfunnsaktuelle saker og bidra til rettstryggleik
stor moglegheit for fagleg utvikling og variasjon i arbeidsoppgåver
tverrfagleg samarbeid og godt arbeidsmiljø
naudsynt opplæring i aktuelt regelverk og datasystem
løn som 1434 rådgivar/ 1364 seniorrådgivar med lønsspenn frå kr.590.000,- til kr.800.000,- . Lønsplassering ut frå kvalifikasjonar, erfaring og lokal lønnspolitikk. I særskilte tilfelle kan høgare lønn vurderast. Stilling som seniorrådgivar har større ansvar og særskilte krav til kompetanse innan fagområdet.
tilsetting etter gjeldande lover, instruksar og reglement. Dei første seks månadene er prøvetid
medlemskap i ei av landets beste pensjonsordningar, Statens pensjonskasse (SPK). Vi trekker 2 prosent av løna di, og i tillegg betaler vi eit innskot til pensjonsordninga di. I SPK får du særs gode pensjons- og forsikringsordningar samt gunstige vilkår for lån til bustad (https://spk.no/Medlemskap-i-SPK)
moglegheit for noko heimekontor når det er føremålsteneleg
høve til å trene i arbeidstida

Les meir om godane ved å jobbe i staten på Arbeidsgiverportalen (https://arbeidsgiver.dfo.no/lonn-goder-og-reise)

Bli betre kjent med Statsforvaltaren i Møre og Romsdal.( https://www.statsforvalteren.no/more-og-romsdal/.)
Som vår nye kollega vil du få ein utfordrande jobb i eit utviklande og godt fagmiljø
Vi bruker som hovudregel nynorsk som skriftspråk. Den som vert tilsett må beherske norsk både skriftleg og munnleg. Utviklinga av organisasjonen vår er ein kontinuerleg prosess, og den som vert tilsett må vere open for endringar i organisering, oppgåver og ansvarsområde.

Mangfald

Eit godt arbeidsmiljø er prega av mangfald. Vi ønskjer medarbeidarar med ulike kompetansar, fagkombinasjonar, livserfaring og perspektiv for å bidra til ei enda betre oppgåveløysing. Vi oppfordrar difor alle kvalifiserte kandidatar til å søkje utan omsyn til alder, kjønn, funksjonsevne eller etnisk bakgrunn. Du er også velkomen til å søkje sjølv om du ikkje kan vise til ein samanhengande yrkeskarriere. Vi legg til rette for medarbeidarar som har behov for det.

Har du ei funksjonsnedsetting, hol i CV-en eller innvandrarbakgrunn, kan du bli positivt særbehandla om du set kryss for dette når du søkjer stillinga. Du kan lese meir om dette på arbeidsgivarportalen (https://arbeidsgiver.dfo.no/positivsaerbehandling).

Praktisk informasjon om søknadsprosessen

Alle som søkjer stillinga må søkje digitalt. Når søknadsfristen går ut, vurderer vi søknaden din på bakgrunn av informasjonen du har sendt oss. Det er difor viktig at du både i søknadsbrevet og CV-en, viser korleis kompetansen din fyller krava som er satt i utlysinga.

Det er viktig at du registrere all relevant utdanning og erfaring i profilen du opprettar i rekrutteringssystemet (sjølv om du legg ved ein ferdigutfylt CV). Dette er mellom anna nødvendig for å ivareta kravet om fullstendig søkjarliste.

Relevante vitnemål og attester lastar du opp. Vitnemål og/eller karakterutskrifter kan du gjerne hente frå vitnemålsportalen. Har du utdanning frå utlandet, legg du ved godkjenning frå NOKUT/Direktoratet for høyere utdanning og kompetanse. Vedlegg lastar du opp i PDF-format.

Offentleg søkjarliste blir utarbeidd etter søknadsfristens utløp. Om du ønskjer å reservere deg frå den offentlege søkjarlista, må du grunngje dette særskilt. For at vi skal kunne vurdere ønskjet ditt om reservasjon, må du grunngje konkret kva for ulempe det vil ha for deg å stå på den offentlege søkjarlista. Du vil bli varsla om ønsket ditt ikkje vert tatt til følgje. Vi gjer merksam på at søkjarlista kan bli offentleg sjølv om du som søkjar ber om anonymitet jf. offentleglova § 25.

Om oss

Statsforvaltaren er Kongen og Regjeringa sin fremste representant i fylket. Vi har ansvaret for å informere om statleg politikk og sette handlingsplanar ut i livet. Oppgåvene er i hovudsak rettleiing, tilsyn og klagebehandling retta mot enkeltpersonar, kommunar og bedrifter. Dette gjeld innan kommuneøkonomi og forvaltning, sosial- og familierettslege saker, samfunnstryggleik og beredskap, helse, utdanning, landbruk og miljøvern. Vi er ein kompetansearbeidsplass med om lag 150 medarbeidarar som jobbar for visjonen vår «Trygg framtid for folk og natur».
Har du spørsmål om stillinga? Ta gjerne kontakt med rekrutterande leiar Ann Lilly Inderhaug Orvik på telefon (Norge +47) 95921410.

Søknadsfrist: 12. april 2026

Rådgivar/seniorrådgiver jurist