Me søkjer ein engasjert og verdibevisst tenesteleiar til bu- og miljøtenesta. Me ser etter ein leiar som vil bidra til å skape gode livsvilkår for menneske med nedsett funksjonsevne, og som ser verdien av samspel og tillit.

Tenesta er organisert i eit team med tre geografiske soner, som vidare er delte inn i fem avdelingar, leia av fire avdelingsleiarar. Einingane gir tenester til ei samansett brukargruppe med både fysiske og psykiske hjelpebehov.

Sogndal kommune er under omstilling. Den som vert tilsett skal følge opp og gjennomføre politiske vedtak innafor vedtekne rammer, herunder arbeid med utvikling av ressurseffektive tenester. Du vil og få moglegheit til å bidra aktivt til å forme tenesta si framtid.

Tenesteleiar rapporterer direkte til kommunalsjef og er ein del av leiargruppa for helse og omsorg.

Me ser etter deg som jobbar strukturert og målretta, er god på relasjonsbygging, har evne til å skape tillit og eit godt omdømme både innad og utad.

Dette får du hjå oss:

Moglegheit til å påverke og utvikle framtidas tenester

Leiarutvikling

Samarbeid framfor detaljstyring

Leiarstilling i ein kommune med ambisjonar

Arbeidsoppgåver:

Ha overordna ansvar for drift og kontinuerleg utvikling av eininga, samt ansvar for fag, økonomi og personale oppfølging av avdelingsleiarar

Leggje til rette for kompetanseheving og personleg utvikling

Utvikle og leie kommunen sitt samla tenestetilbod i bu- og miljøtenesta

Kvalifikasjonar:

Bachelor innan helse-og sosialfag (t.d vernepleiar, sjukepleiar, sosionom)

Leiarutdanning og/eller leiarerfaring med personalansvar

Erfaring frå samarbeid og kommunikasjon med ulike miljø og faggrupper

Personlege eigenskapar:

For å lukkast i rolla er det viktig at du er utviklings- og løysningsorinetert i di tilnærming til andre og har ei tydleg åtferd. I tillegg ser me etter:

God kommunikasjonsevne, både munnleg og skriftleg

God forståing for, og ynskje om, å ta i bruk digitale verktøy som støtte i leiing, dokumentasjon og utvikling av tenestene

Du evner å aktivt bygge relasjonar mellom tilsette og på tvers ut mot innbyggjarar

Du ser verdien av å jobbe i team og har gode samarbeidsevner

Evne til å inspirere, engasjere og rettleie mot felles mål

Du har evne til å skape retning, ha fokus på resultat, og tenkje heilskapleg

Personlege eigenskapar blir særskilt vektlagt.

Mangfald og tilrettelegging
Me ønskjer eit arbeidsmiljø prega av mangfald, og oppmodar alle kvalifiserte kandidatar til å søkje, uavhengig av alder, kjønn, funksjonsevne, nasjonal eller etnisk bakgrunn. Dersom du har behov for tilrettelegging i arbeidskvardagen, legg me til rette så langt det let seg gjere.

Offentleg søkjarliste
I følgje offentleglova § 25, 2. ledd kan opplysningar om søkjaren bli offentleggjorde, sjølv om du har oppmoda om ikkje å bli ført opp på offentleg søkjarliste. Dersom du har bedt om unntak frå offentleg søkjarliste, vil du alltid bli varsla før søkjarlista vert offentleggjord.

Link til søknadsskjema: Søk her

Tenesteleiar for bu og miljø i Sogndal kommune