Om stillinga

I Vest politidistrikt, for tida ved geografisk driftseining Bergen, Askøy og Øygarden, tjenesteeining Bergen vest, avsnitt for etterretning og koordinerende forebyggende, er det ei ledig stilling som politioverbetjent/politiførstebetjent med funksjon som fleirkildeanalytikar.
GDE Bergen, Askøy og Øygarden er organisert i fem politistasjonsdistrikt: Bergen sør, Bergen nord, Bergen vest, Bergen sentrum og Askøy og Øygarden.

Stillinga er plassert ved Bergen vest politistasjonsdistrikt, under avsnitt for etterretning og koordinerande førebyggjng. Stillinga samhandlar tett med dei andre funksjonane ved avsnittet, og har ansvar for å leie og koordinere analyseprosessar i heile GDE Bergen, Askøy og Øygarden, samstundes som stillinga har ansvar for å utarbeide og presentere etterretningsprodukt.

Vi er på jobb for eit trygt Noreg. Som ein del av politiet sitt viktige samfunnsoppdrag, skal vi førebyggje og nedkjempe kriminalitet, skape tryggleik og vareta rettstryggleiken. Vi trur at mangfald bidrar til betre oppgåveløysing, og søkjer derfor medarbeidarar med ulik bakgrunn, erfaring, perspektiv og kompetanse. Dersom du har behov for tilrettelegging i rekrutteringsprosessen eller arbeidskvardagen, vil vi gjere vårt beste for å gi deg det du treng.

Dette ser vi etter hos ein ny medarbeidar

Vi ser etter ein motivert medarbeidar med fagleg tyngde og engasjement for etterretningsfaget. Vi ser etter deg som ynskjer å bidra til, og har gode refleksjoner rundt det førebyggjande perspektivet i all kriminalitetsinnsats. Vi ser etter deg som har evne til å arbeide sjølvstendig, samstundes som du samhandlar godt med kollegaer. Det vektleggjast at medarbeidarar i stillingen må vere komfortabel med å presentera ulike produkt for leiargruppa og andre på bestilling.

Som medarbeidar vil du samhandle tett med kollegaer i andre etterretningsmiljø, både lokalt, sentralt og eksternt. Vi ønskjer at vår nye medarbeidar har solid fagleg tyngde og kan vere ein bidragsytar til å heve kompetanse og vidareutvikle andre kollegaer.

Vi ser etter motiverte søkjarar som er interesserte i å vere ein del av eit miljø som arbeidar aktivt for å identifisera ulike typar kriminalitetsutfordringar, og setje fokus på dette for å bidra til ein felles situasjonsforståing internt og eksternt.

Vi søkjer ein medarbeidar som oppfyller våre krav til kompetanse, motivasjon, arbeidsmoral og etisk integritet som framstår profesjonelt i møte med kollegaer og samfunnet elles.

Arbeidsoppgåver

Innhente, omarbeide og analysere informasjon på ein- og fleirkjelde-nivå
Leie og koordinere analyseprosessar
Gjennomføre oppdragsanalyse, og ha oppdragsdialog med beslutningstakarar
Vere i stand til å tenkje førebyggjing som primærstrategi for kriminalitetsnedkjemping
Utarbeide samanstillinger/analyseprodukt
Bidra til å beskytte politidistriktets informasjon, materiell og objekt
Utføre kvalitetskontroll av informasjons- og etterretningsprodukt
Delta i avsnittet sine arbeidsoppgaver i oppsatt struktur

Kvalifikasjonar

Dette må du ha for å være kvalifisert:

Vitnemål fra politiskule/politihøgskule
For politioverbetjent må ein tilfredsstille kompetansekrava for pb3 og ha arbeida innan relevant fagfelt i minimum 5 år. Ved anna relevant bachelor- eller mastergrad kan heile eller deler av kravet fråvikast
For politiførstebetjent må ein tilfredsstille kompetansekrava for pb3 og ha arbeida innan relevant fagfelt i minimum 3 år. Ved anna relevant bachelor kan heile eller deler av kravet fråvikast
Brei politifagleg erfaring
God munnleg og skriftleg framføring på norsk og engelsk
God kunnskap om dataverktøy og spesielt datasystema til politiet
Erfaring frå bruk av Indicia prosjektmodul
Du må ha plettfri vandel og vere skikka for teneste i politiet. Politiattest (uttømmande og utvida) må hentast inn ved eventuell tilsetjing, jf. politiloven § 18 og politiregisterloven § 41. Ved å søkje på stilling i politiet samtykkjer ein til at det vil bli gjort ei skikkaheitsvurdering i forkant av eventuelt intervju.

Det er også ynskjeleg med:

Relevant videreutdanning innan etterretning og/eller operativ krimanalyse blir vektlagt
Kunnskap om førebyggjande politiarbeid blir vektlagt
Erfaring frå prosjektarbeid er ein fordel
Andre språkkunnskaper er ein fordel

Personlege eigenskapar

Samarbeidsvillig
Evne til å arbeide sjølvstendig og systematisk
Evne til å identifisere, analysere og leggje fram informasjon på ein forståeleg måte
Gode samarbeidsevner og evne til heilskapstenking- og handling
Gode evner innan kommunikasjon og relasjonsbyggjing
Gode analytiske evner

Som medarbeidar i politiet har du høg etisk medvit, du blir kjenneteikna av å vere modig og heilskapsorientert, du viser respekt og er tett på. Du kan lese meir om dei etiske retningslinjene våre og medarbeidarplattformen her.

Dette kan vi tilby om du vel oss

Stillinga som politioverbetjent (spesialist) med funksjon som fleirkildeanalytikar SKO 0287 vert lønna frå 800 000,- brutto pr år
Stillinga som politiførstebetjent med funksjon som spesialmedarbeidar SKO 0285 vert lønna frå 720 000,- brutto pr år
Vidare lønnsutvikling skjer i tråd med hovudtariffavtalane i staten
Medlemskap i Statens pensjonskasse, med mellom anna gode pensjons- og forsikringsordningar. Les meir på www.spk.no
Ein utfordrande og spanande arbeidsplass for deg som vil vere med å forme framtidas polititenester
Vest politidistrikt er ei IA-versemd
Bedriftshelseteneste

Mangfald i politiet

Dersom du har funksjonsnedsetting, innvandrarbakgrunn eller hol i CV-en, er det høve til å krysse av for dette i søknaden. Er du kvalifisert for stillinga, vil du bli vurdert for positiv særbehandling. Det inneber at minst éin søkjar frå kvar av desse gruppene blir innkalla til intervju.

Les meir om positiv særbehandling når ein søkjer jobb i staten her.

Opplysningane du gir, blir brukt til å utarbeide anonymisert statistikk som alle statlege verksemder rapporterer i sine årsrapportar.

Video: https://www.youtube.com/watch?v=uUTjHmSB_Wc

Slik søkjer du

Du søkjer ved å fylle ut CV i Jobbnorge sitt CV-skjema og skrive eit kort søknadsbrev. I tillegg må du leggje ved relevante vitnemål og attestar. Relevante kandidatar vil bli kalla inn til intervju.

Opplysningar om deg kan bli offentleggjorde sjølv om du har bede om ikkje å bli ført opp på søkjarlista. Dersom oppmodinga ikkje blir teken til følgje, vil du bli varsla om dette.

Politioverbetjent/politiførstebetjent med funksjon som fleirkildeanalytikar