UiB - Kunnskap som formar samfunnet

UiB skal vere blant Europas fremste universitet, internasjonalt kjent for høg kvalitet i forsking og utdanning. Som samfunnsinstitusjon skal vi bidra til ei berekraftig og demokratisk utvikling og vere ein attraktiv og inkluderande studie- og arbeidsplass.

Video: https://youtu.be/M5n6RnScNgA

Vitskapleg assistent

Ved Institutt for pedagogikk, Det psykologiske fakultet, er det ledig ei stilling som vitskapleg assistent. Stillinga er på 40 % i 8 månader. Den vitskaplege assistenten vil arbeide med følgjande prosjekt: Examining Research in University Pedagogy (ERUP): Diversity, Inclusion and Representation in Research on Teaching and Learning in Norwegian Academia.

ERUP-prosjektet er eit forskings- og utviklingsprosjekt med fokus på kjønnsbalanse, inkludering og mangfald, finansiert gjennom NFR. ERUP fokuserer på likestilling, mangfald og inkludering innan universitetspedagogikk og forsking på undervisning og læring i norsk høgare utdanning. Den vitskaplege assistenten vil støtte prosjektarbeid som undersøkjer og rapporterer om kjønnsbalanse og mangfald blant universitetspedagogisk personale i norsk høgare utdanning, samt kjønnsbalanse og mangfald blant forskarar som er representerte i universitetspedagogiske program og aktivitetar.

Arbeidsoppgåver:

Innsamling og organisering av data (inkludert nettsøk og bruk av kodingsrettleiing på tekstar)
Organisatorisk arbeid (assistanse med dokumentasjon og registrering i prosjektet)
Kommunikasjon (e-postar, digitale møte, kommunikasjon knytt til spørjeundersøkingar)
Litteraturgjennomgang (lesing, innsamling og oppsummering av forskingslitteratur)
Bidra til utarbeiding av rapportar og presentasjonar

Kvalifikasjonar og eigenskapar:

Søkjaren må ha bachelorgrad. Mastergrad er ein fordel.
Søkjaren må ha gode munnlege og skriftlege kommunikasjonsevner på både norsk og engelsk.
Søkjaren må ha erfaring med kvalitative forskingsmetodar, som:
- erfaring med nettsøk, koding av tekstar og analyse av spørjeundersøkingsdata.
Erfaring med kvantitativ forsking er ein fordel.
Søkjaren må dokumentere erfaringa si ved å:
- skildre tidlegare erfaring frå stillingar som vitskapleg assistent, forskingsprosjekt i studieløpet (til dømes masteroppgåve) eller anna relevant arbeidserfaring.
Søkjaren må kunne arbeide sjølvstendig.

Om stillinga som vitskapleg assistent

Vitskapleg assistent er ei rekrutteringsstilling som skal danne grunnlag for ei vidare akademisk karriere, gjennom arbeidsoppgåver som gjev innsikt i og erfaring med vitskapleg metode.

Vi gjer merksam på at i henhold til Universitets- og høyskoleloven vert denne stillinga rekna som ei åremålsstilling, og at samla tilsettingstid som vitskapleg assistent ikkje kan overstige to år ved same institusjon. Personar som har vore tilsatt som stipendiat eller har oppnådd doktorgrad kan ikkje bli tilsatt som vitskapleg assistent.

Vi tilbyr:

Spennande og utviklande arbeidsoppgåver i eit sterkt fagmiljø
Ei moglegheit til å lære om og bidra til forsking med fokus på inkludering og mangfald
Moglegheit til å presentere forskingsresultat på lokale konferansar
Brutto årsløn som vitskapleg assistent (kode 1019/1020) kr 470 200 - 519 400 i det statlege lønsregulativet, avhengig av tenesteansiennitet og kvalifikasjonar. For særleg kvalifisert søkjar kan det verte aktuelt å vurdere høgare løn.
Medlemsskap i Statens pensjonskasse
Gode velferdsordningar

Søknaden skal innehalde:

Curriculum vitae (CV)
Karakterutskrifter og vitnemål
Eit søknadsbrev på maksimalt éi side som skildrar korleis tidlegare arbeidserfaring er relevant for stillinga, og kva som interesserer deg ved kvalitativ forsking
Eit eksempel på akademisk skriving (f.eks. kursoppgåver, kapittel frå masteroppgåver), maks. 10 sider
Namn på to referansar eller referansepersonar.

Generell informasjon:

Utfyllande opplysningar om stillinga kan ein få ved å vende seg til:

førsteamanuensis Marie van der Kloet, Institutt for pedagogikk, marie.vander.kloet@uib.no

Mangfald er ein styrke og gjer at vi kan løyse oppgåvene våre endå betre. UiB treng difor kvalifiserte medarbeidarar uavhengig av kjønn, etnisitet, religion, livssyn, funksjonsnedsetjing, seksuell orientering, kjønnsidentitet, kjønnsuttrykk og alder.

Universitetet i Bergen nyttar meirinnsyn ved tilsetjing i vitskaplege stillingar.

Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teke til følgje, skal søkjaren varslast om dette.

Vi oppmodar søkjarar med funksjonsnedsetjing, innvandrarbakgrunn eller hól i CV-en til å søke. Dersom du kryssar av for dette i søknaden kan du bli positivt særbehandla. Vi inviterer alltid minst ein kvalifisert søkjar frå kvar av desse gruppene til intervju.Nærare om tilsettingsprosessen her.

Vitskapleg assistent (40 %) ved Institutt for pedagogikk