Om stillinga

Kommunal- og distriktsdepartementet (KDD) søkjer ein førstekonsulent til eit spennande og unikt oppdrag i planavdelinga. Stillinga er mellombels, med varigheit fram til mai 2028, og gir moglegheit til å bidra i arbeidet med ei vidareutvikling av areal- og arkitekturpolitikken. Hos oss får du innsikt i politiske prosessar, moglegheit til å utvikle fagkompetansen din og moglegheit til å byggje eit breitt nettverk i departementet. Dette er ei stilling som passar særleg godt for deg som er tidleg i karrieren og ønskjer erfaring med politikkutforming, departementsarbeid og samspel mellom fag og politikk.

I planavdelinga møter du eit positivt og inkluderande arbeidsmiljø med høg fagleg kvalitet og eit godt kollegialt fellesskap. Du vil få gode moglegheiter for fagleg og personleg utvikling.

Du får ei sentral rolle i arbeidet som sekretær for prosjektleiaren for utviklingsarbeidet, som er tilsett i ei anna seksjon. Arbeidet inneber tett samarbeid internt i planavdelinga og med andre avdelingar, departement og underliggjande etatar. Stillinga inneber avgrensa pålagt overtid, men noko reiseverksemd kan førekomma.

Dette får du jobbe med

Arbeidsoppgåvene dine vil i hovudsak vera å støtte prosjektleiaren gjennom sekretariatsarbeid, praktisk koordinering og administrative oppgåver.

Du vil ha ansvar for å koordinere og leggja til rette for møte, mellom anna senda ut innkallingar og utarbeida referat, samt avklara og følgja opp møtetidspunkt med interne og eksterne aktørar. I tillegg vil du handtera administrative oppgåver som bestilling av reiser og annan støtte. Du vil òg kvalitetssikra tekst og faglege underlag, og bidra til god framdrift og oversikt i prosjektet.

Avdelinga jobbar til ein kvar tid med ein stor mengde saker, så til tider kan ein måtte bidra til seksjonen og avdelinga si ordinære saksbehandling. I periodar der utviklingsarbeidet er mindre omfattande, vil arbeidsoppgåvene omfatta saker knytt til Kartverket, arealstatistikk og klimatilpassing.

Vi søkjer deg som har

Nødvendige kvalifikasjonar

Utdanning på masternivå innan samfunnsvitskaplege fag. I særskilde tilfelle kan relevant erfaring og solid kjennskap til fagområdet kompensera for manglande relevant mastergrad
Interesse for og forståing av arealpolitikk
Svært gode munnlege og skriftlege evner i norsk

Ønskjelege kvalifikasjonar

Kjennskap til, eller erfaring frå, offentleg forvaltning
God forståing for kva det vil seia å arbeida i eit departement
Erfaring med administrasjon og koordinering av prosjekt eller tilsvarande prosessar

Personlege eigenskapar

Høg arbeidskapasitet og sterk gjennomføringsevne
Stor ståpåvilje og evne til å ta ansvar for oppgåver som må løysast
Ryddig og strukturert arbeidsstil, med evne til å skapa og oppretthalde god oversikt
God evne til å ha overblikk over prosessar og sikre framdrift
Komfortabel med å handtera fleire oppgåver og prosessar samtidig, og god til å prioritera under press
Samarbeidsorientert og ein positiv bidragsytar til arbeidsmiljøet i seksjonen

Vi vil leggja stor vekt på om du er personleg eigna for stillinga.

Utdanning og erfaring må dokumenterast med CV, vitnemål og attestar.

Vi tilbyr

Vi ønskjer deg velkommen inn i eit arbeidsfellesskap med dyktige kollegaer som er stolte av jobben sin. Vi tilbyr:

kompetanseutvikling i eit sterkt fagmiljø
fleksibel arbeidstid, betalt overtid og sommartid
arbeidsplass sentralt i Oslo sentrum
moglegheit for trening i arbeidstida
medlemskap i Statens pensjonskasse med gode låne-, forsikrings- og pensjonsordningar
eit aktivt sosialt miljø med mange tilbod til dei tilsette, eige bedriftsidrettslag og bedriftshelseteneste

Som ny i KDD får du heilt frå starten av oppgåver som utfordrar deg, og du får ein fadder som følgjer deg opp. Departementet har eit introduksjonsprogram der du blir kjend med nytilsette i dei andre avdelingane. For yngre tilsette er det ei eiga foreining, Ung i KDD. Nettverket skal bidra til å skapa ein arena der unge i departementet kan møtast jamleg til faglege og sosiale samankomstar. Ønskjer du å vita meir om korleis det er å jobba hos oss, kan du lesa meir her: Tilsette om KDD – Jobb i KDD (regjeringen.no).

Løn: Stillinga er løna som stillingstittel frå kr 600 000–650 000 pr. år. Stillings- og lønsinnplassering avheng av erfaring og kvalifikasjonar. Frå løna blir det trekt 2 % innskot til Statens pensjonskasse.

Autorisasjon: Tilsette i Kommunal- og distriktsdepartementet må kunna autoriserast for tilgang til informasjon etter sikkerheitslova.

Klarering: Tilsetjing skjer under føresetnad av at søkjaren blir sikkerheitsklarert på nivå BEGRENSET og autorisert. Les meir her: Autorisasjon - Nasjonal sikkerhetsmyndighet

Slik søkjer du

Send søknad elektronisk via lenkja «Søk stillinga» øvst på denne sida. Snarleg tiltredelse er ønskjeleg.

Me meiner at inkludering og mangfald er ein styrke. Me ønskjer medarbeidarar med ulike kompetansar, fagkombinasjonar, livserfaring og perspektiv for å bidra til endå betre oppgåveløysing. Me vil leggja til rette for medarbeidarar som har behov for det. Aktuell tilrettelegging kan til dømes vera tekniske hjelpemiddel, tilpassing av møblar eller endring av rutinar, arbeidsoppgåver og arbeidstid.

Les meir om inkludering og mangfald her.

KDD nyttar Semac bakgrunnssjekk i gjeldande rekrutteringsprosess. Bakgrunnssjekk blir utført etter samtykke frå kandidaten, og inneber mellom anna at vi verifiserer CV og annan søknadsdokumentasjon i samband med tilsetjinga. Tilsetjing føreset godkjend bakgrunnssjekk.

I samsvar med offentleglova §25 gjer vi merksam på at opplysningar om søkjaren kan bli offentleggjorde sjølv om søkjaren har bede om å ikkje bli ført opp på søkjarlista.

Kontaktperson: For nærmare opplysningar om stillinga: Kontakt avdelingsdirektør Ivar Tveden på tlf. +47 900 54 232 eller på e-post: ivar.tvede@kdd.dep.no.

Førstekonsulent