Om stillinga

Statsforvaltaren i Vestland søkjer ein tydeleg og engasjert leiar for planseksjonen i kommunalavdelinga.

Statsforvaltaren er sektormynde og medverkar i kommunalt og fylkeskommunalt planarbeid. Vi skal også sjå til at kommunane oppfyller plikta til planlegging etter lova. På vegner av organisasjonen samordnar planseksjonen dette arbeidet.

Det er for tida 15 tilsette i planseksjonen, fordelt på kontora våre i Leikanger og Bergen. Seksjonsleiaren inngår i leiargruppa ved kommunalavdelinga, saman med kommunaldirektøren og seksjonsleiarane for beredskap og justis og byggjesak. Seksjonsleiaren skal leggje til rette for at kollegaene har gode rammer, slik at vi saman når måla våre.

Stillinga har kontorstad Bergen. Du må rekne med ein del reiseaktivitet, og må difor ha førarkort.

Arbeidsoppgåver

Personalansvar for planseksjonen
Utvikle seksjonen, og leggje til rette for eit godt samarbeid internt
Sikre god dialog med andre sektorstyresmakter, fylkeskommunen og kommunane
Prioritere arbeidsoppgåvene og koordinere planarbeidet i seksjonen og embetet
Godkjenne og kvalitetssikre saker
Rettleiing og opplæring på planområdet

Ønskjelege kvalifikasjonar

Relevant masterutdanning frå høgskule eller universitet, til dømes innan arealplanlegging
Kunnskap om planområdet
Evne til å handtere media
Høg fagleg og personleg integritet
God skriftleg og munnleg framstillingsevne på begge skriftspråk
Erfaring frå offentleg forvaltning
Leiarerfaring – gjerne frå statleg eller kommunal sektor

Personlege eigenskapar

Tydeleg og tilgjengeleg, med evne til å skape tillit internt og overfor samarbeidspartnarar
Gode evner til kommunikasjon, samarbeid og strategisk tenking
Stor arbeidskapasitet og gjennomføringskraft
Evne til å motivere og involvere medarbeidarane
Evne til effektiv drift og prioritering av arbeidsoppgåver

Som tilsett hos Statsforvaltaren får du

interessante arbeidsoppgåver
eit kompetent og tverrfagleg arbeidsmiljø
ein arbeidsplass i utvikling
medlemskap i Statens pensjonskasse med god pensjonsordning, gunstig bustadlån og forsikringsordning
trening i arbeidstida
delvis heimekontor
fleksibel arbeidstid
løn i samsvar med vår lokale lønspolitikk

Vi ønskjer mangfald

Statsforvaltaren ønskjer mangfald, og vil leggje til rette for eit inkluderande arbeidsliv.

Vi oppmodar alle kvalifiserte kandidatar til å søkje utan omsyn til alder, kjønn, nasjonal eller etnisk bakgrunn, funksjonsevne eller hol i CV-en. Vi oppmodar om å krysse av i jobbsøkjarportalen dersom du har nedsett funksjonsevne, hol i CV-en eller innvandrarbakgrunn. Dersom det er kvalifiserte søkjarar frå desse gruppene kallar vi inn minst ein søkjar i kvar av gruppene til intervju. Les meir om positiv særbehandling hos Arbeidsgivarportalen.

Vilkår

Alle som søkjer stillinga må søkje digitalt gjennom rekrutteringsportalen Jobbnorge. Du må laste opp relevante vitnemål og attestar. Vitnemål og/eller karakterutskrifter hentar du frå vitnemålsportalen i Jobbnorge. Har du utdanning frå utlandet legg du ved godkjenning frå HK-dir.

Når søknadsfristen er ute, vurderer vi søknaden din på bakgrunn av informasjonen du har sendt oss. Det er derfor viktig at du både i søknadsbrevet og CV-en, viser korleis kompetansen din fyller krava som er sett i utlysinga.

Stillinga er lønna i stillingskode 1211 seksjonsleiar, frå kr 840 000–940 000 brutto per år ut frå kvalifikasjonar og lokal lønnspolitikk. For særskilt kvalifiserte søkjarar kan vi vurdere høgare lønn.

Dei første seks månadane er prøvetid. Du kan lese meir om det i statens personalhandbok.

Tenestemålet til embetet er nynorsk.

Offentleg søkjarliste blir utarbeidd etter søknadsfrist. Dersom du ønskjer å reservere deg frå oppføring må du grunngje dette. Du får varsel om reservasjon i rekrutteringsportalen dersom reservasjon ikkje blir teken til følgje.

Seksjonsleiar plan