Skap matglede i Kafé Hjerneføde

Har du lyst til å vera med og forma matopplevingane ved Vitenfabrikken? Som kafémedarbeidar i Kafé Hjerneføde får du ein aktiv og variert arbeidskvardag der du – saman med ansvarleg kokk – utviklar kafédrifta vidare for både besøkande og arrangementsgjester.

Dette får du jobba med:

Setja ditt preg på menyen gjennom kreativ matutvikling
Produsere god og heimelaga mat til store og små
Dekkja bord og stå for servering ved ulike arrangement
Sikra kvalitet gjennom godt HMS-arbeid og rutinar for HACCP/IK-Mat
Ta imot kundar, stå i kassa og gjere opp etter dagen
Bestille varer når det trengst, som ved ferie og fråvær
Vera ein trygg og positiv vertskapsperson ved arrangement

Arbeidstid og fleksibilitet:
Du må rekna med å jobba om lag ei helg i månaden og ein kveld i veka til kl. 20. I tillegg må du vera fleksibel ved kvelds- og helgearrangement. Det vil også bli behov for at du bidreg med kompetanse og arbeidskraft ved andre kaféar i Jærmuseet.

Kafé Hjerneføde – påfyll for mage og hjerne

Kafé Hjerneføde er Vitenfabrikken sin eigen matstasjon for både store og små oppdagarar.

Her serverer me alt frå varme og kalde rettar til våre deilige nysteikte lappar og skikkeleg heimelaga kaker – perfekt påfyll til ein aktiv dag.

Me tilbyr kjekke bursdagsmenyar, og for private lag stiller me med festmiddag, tapas, koldtbord og dessert.

Næringslivet får skreddarsydd frukost eller lunsj til seminar – me fikser det dei treng.

Vitenfabrikken - full av energi og opplevingar

Vitenfabrikken er den største avdelinga i Jærmuseet, og kvart år strøymer rundt 70 000 nysgjerrige gjester inn dørene.

Midt i Sandnes sentrum kan store og små utforska fleire etasjar fulle av interaktive installasjonar, utstillingar og aktivitetar som inviterer til leik, læring og eksperimentering.

Her blir realfag, matematikk og teknologi gjort levande – og gjerne litt utfordrande – for både barn, unge og eldre. Vitenfabrikken fortel òg den spennande historia om Sandnes og regionen si rike industriarv, og viser fram ting frå den varierte samlinga vår.

Kva bør søknaden din innehalda?

For at me skal få eit best mogleg grunnlag for å vurdera deg som kandidat, anbefaler me at du inkluderer følgjande i søknaden:

Korleis oppfyller du kvalifikasjonskrava og dei ønskte eigenskapane som står i utlysingsteksten?
Kva er motivasjonen din for å søkja på denne stillinga, og kvifor ønskjer du å arbeida akkurat hjå oss?
Utfyllande og relevant CV - me vil råda deg til å bruka CV-skjemaet som er tilgjengeleg i JobbNorge.
Har du relevant erfaring frå andre jobbar eller frivillige verv?
Anna som du meiner er relevant for stillinga eller vurderinga av søknaden din.

Du passar godt i rolla dersom du:

Har stor glede av å jobba i kafé og likar tempo, folk og liv
Elskar å laga mat – og synest det er kjekt å presentera maten på ein tiltalande måte
Gjerne har fagbrev som kokk (men det er ikkje eit krav for å søkja)
Gjerne ha kjennskap til mattryggleiksrutinar
Har førerkort klasse B – det er ein fordel i kvardagen
Både snakkar og skriv norsk

Synest det er kjekt å gi god service og møta folk med eit smil
Framleis smilar om det er litt hektisk
Jobbar fint både på eiga hand og i team, og tek ansvar når det trengst
Er ikkje redd for å bretta opp ermane og hjelpa til der det skjer
Trivst rundt folk og bidreg til god stemning
Likar å rettleia og heia fram ungdommar på kjøkkenet
Har lyst å bidra til eit godt arbeidsmiljø

Dette tilbyr me

Vikariat i 100% stilling til 6. juni 2027
Ein variert og spennande arbeidskvardag i eit triveleg og engasjert miljø
Allsidig arbeidsplass i stadig utvikling
Engasjerte og dedikerte kollegaer
Gode ordningar: pensjonsavtale, personforsikringar og behandlingsforsikring
Løn etter avtale

Rekrutteringsprosessen vår

Me ønskjer ein ryddig og rettferdig prosess der alle kandidatar får god og likeverdig behandling. Som jobbsøkjar hjå oss kan du forventa følgjande:

Etter søknadsfristen:

Me les og vuderer alle søknadar grundig opp mot krava i utlysinga
Dersom du ikkje går vidare i prosessen får du beskjed så snart me har gjennomført første vuderingsrunde

For aktuelle kandidatar:

Du blir invitert til intervju
Ved behov gjennomfører me to intervjurundar
Referansesjekk blir gjort etter intervju, men før endeleg innstilling

Til slutt:

Me legg vekt på at den me tilset skal vera personleg eigna for stillinga
Den som blir tilsett må levera godkjent politiattest før oppstart

Mangfald og tilrettelegging

Me trur at ulike perspektiv gjer oss sterkare, og me ønskjer ein arbeidsplass der mangfald er ein naturleg del av kvardagen. Difor oppfordrar me alle kvalifiserte kandidatar - uavhengig av bakgrunn - til å søkja.

Alle søkjarar blir vurderte ut frå kompetanse og erfaring, uavhengig av kjønn, alder, funksjonsevne eller etnisk bakgrunn.

Har du spørsmål eller behov for tilrettelegging?

Me vil at du skal få vist deg frå di beste side. Dersom du har spørsmål om prosessen eller treng tilrettelegging, er du hjarteleg velkommen til å ta kontakt med oss. Me finn gode løysingar saman.

Kafémedarbeidar i Kafé Hjerneføde