Rådgivar/seniorrådgivar – kommuneøkonomi

Vi har ei ledig stilling som rådgivar/seniorrådgivar i hos Statsforvaltaren i Møre og Romsdal. Vi held i dag til på Fylkeshuset, men våren 2028 flytter vi inn i nye kontorlokale i Grand Fjæra i Molde sentrum.
Fagfeltet byr på varierte oppgåver i skjeringspunktet mellom jus og økonomi.

Vi søker etter deg som

Har relevant universitet- eller høgskoleutdanning på masternivå (siviløkonom eller innan samfunnsfag, revisjon eller anna økonomisk utdanning. I særskilte tilfelle kan manglande formell utdanning kompenserast med lang og relevant praksis kombinert med anna relevant universitet- og høgskoleutdanning.
Har gode analytiske evner og jobbar effektivt og treffsikkert og framstiller kunnskap på ein ryddig og oversiktleg måte.
Har gode evner til å kommunisere både munnleg og skriftleg
Har gode samarbeidsevner, og evne til å bygge relasjonar
Har engasjement for å arbeide for ei meir berekraftig framtid

Det er ønskjeleg med erfaring frå arbeid med kommuneøkonomi og god kjennskap til offentleg forvaltning. Den som blir tilsett må beherske norsk både skriftleg og munnleg og kunne bruke begge målformer. Vi brukar som hovudregel nynorsk som hovudregel som skriftspråk.

Innhald i stillinga

Rettleie kommunane om kommuneøkonomi, kommunelova og gjennomføre lovlegkontrollar.
Gjennomgang av kommunane sine budsjett/rekneskap
Behandle søknadar om lån og garantiar
Statistikk og analyse
Oppfølging av kommunar som er i ROBEK og dei som nærmar seg
Konsekvensar av statsbudsjettet for kommunane
Fordeling av skjønnsmidlar

Hos oss får du

ein utfordrande jobb i eit utviklande og godt fagmiljø
ein stabil arbeidsgivar med fleksibel arbeidstid
løn som rådgivar (kode 1434) eller seniorrådgivar (kode 1364) med lønsspenn frå kr.600.000,- til kr.800.000,- . Lønsplassering ut frå kvalifikasjonar, erfaring og lokal lønnspolitikk. Stilling som seniorrådgivar har større ansvar og særskilte krav til kompetanse innan fagområdet.
tilsetting etter gjeldande lover, instruksar og reglement. Dei første seks månadene er prøvetid
medlemskap i ei av landets beste pensjonsordningar, Statens pensjonskasse (SPK). Vi trekker 2 prosent av løna di, og i tillegg betaler vi eit innskot til pensjonsordninga di. I SPK får du særs gode pensjons- og forsikringsordningar samt gunstige vilkår for lån til bustad (https://spk.no/Medlemskap-i-SPK)
moglegheit for noko heimekontor når det er føremålsteneleg
høve til å trene i arbeidstida

Les meir om godane ved å jobbe i staten på Arbeidsgiverportalen (https://arbeidsgiver.dfo.no/lonn-goder-og-reise)
Utviklinga av organisasjonen vår er i kontinuerleg utvikling. Den som vert tilsett må difor vere open for endringar i organisering, oppgåver og ansvarsområde.

Mangfald

Eit godt arbeidsmiljø er prega av mangfald. Vi ønskjer medarbeidarar med ulike kompetansar, fagkombinasjonar, livserfaring og perspektiv for å bidra til ei enda betre oppgåveløysing. Vi oppfordrar difor alle kvalifiserte kandidatar til å søkje utan omsyn til alder, kjønn, funksjonsevne eller etnisk bakgrunn. Du er også velkomen til å søkje sjølv om du ikkje kan vise til ein samanhengande yrkeskarriere. Vi legg til rette for medarbeidarar som har behov for det.

Har du ei funksjonsnedsetting, hol i CV-en eller innvandrarbakgrunn, kan du bli positivt særbehandla om du set kryss for dette når du søkjer stillinga. Du kan lese meir om dette på arbeidsgivarportalen (https://arbeidsgiver.dfo.no/positivsaerbehandling).

Praktisk informasjon om søknadsprosessen

Alle som søkjer stillinga må søkje digitalt. Når søknadsfristen går ut, vurderer vi søknaden din på bakgrunn av informasjonen du har sendt oss. Det er difor viktig at du både i søknadsbrevet og CV-en, viser korleis kompetansen din fyller krava som er satt i utlysinga.

Det er viktig at du registrere all relevant utdanning og erfaring i profilen du opprettar i rekrutteringssystemet (sjølv om du legg ved ein ferdigutfylt CV). Dette er mellom anna nødvendig for å ivareta kravet om fullstendig søkjarliste.

Relevante vitnemål og attester lastar du opp. Vitnemål og/eller karakterutskrifter kan du gjerne hente frå vitnemålsportalen. Har du utdanning frå utlandet, legg du ved godkjenning frå NOKUT/Direktoratet for høyere utdanning og kompetanse. Vedlegg lastar du opp i PDF-format.

Offentleg søkjarliste blir utarbeidd etter søknadsfristens utløp. Om du ønskjer å reservere deg frå den offentlege søkjarlista, må du grunngje dette særskilt. For at vi skal kunne vurdere ønskjet ditt om reservasjon, må du grunngje konkret kva for ulempe det vil ha for deg å stå på den offentlege søkjarlista. Du vil bli varsla om ønsket ditt ikkje vert tatt til følgje. Vi gjer merksam på at søkjarlista kan bli offentleg sjølv om du som søkjar ber om anonymitet jf. offentleglova § 25.

Om oss

Statsforvaltaren er Kongen og Regjeringa sin fremste representant i fylket. Vi har ansvaret for å informere om statleg politikk og sette handlingsplanar ut i livet. Oppgåvene er i hovudsak rettleiing, tilsyn og klagebehandling retta mot enkeltpersonar, kommunar og bedrifter. Dette gjeld innan kommuneøkonomi og forvaltning, sosial- og familierettslege saker, samfunnstryggleik og beredskap, helse, utdanning, landbruk og miljøvern. Vi er ein kompetansearbeidsplass med om lag 150 medarbeidarar som jobbar for visjonen vår «Trygg framtid for folk og natur».
Har du spørsmål om stillinga? Ta gjerne kontakt med rekrutterande leiar Rigmor Brøste på telefon (Norge +47) 92659401.

Søknadsfrist: 21. juni 2026

Rådgivar/seniorrådgivar - kommuneøkonomi