Om stillinga

Statsforvaltaren i Vestland har ledig ei fast stilling som verneområdeforvaltar for Nærøyfjorden og Stølsheimen.

Hos oss får du ein variert og spennande jobbkvardag med faglege utfordringar og høve til eiga utvikling i eit kompetent og tverrfagleg arbeidsmiljø. Du vil arbeide tett saman med andre verneområdeforvaltarar i fylket og med Statens naturoppsyn.

Verneområdeforvaltningasamarbeider med lokale, regionale og nasjonale myndigheiter, politikarar, grunneigarar, reiselivsverksemder og andreorganisasjonar. Du finn meir informasjon her:Nasjonalparkstyre | Nærøyfjorden landskapsvernområdeogNasjonalparkstyre | Stølsheimen landskapsvernområde

Arbeidsstad er Aurland. Stillinga vert lyst ut som ei hundre prosent stilling, men kandidatar som ønskjer redusert stilling kan også søkje.

Arbeidsoppgåver

Saksførebuing for verneområdestyret
Planlegging og oppfølging av tiltak og prosjekt
Arbeid med forvaltningsplanar
Formidling i ulike forum og plattformer
Andre oppgåver innan verneområdeforvaltning kan bli aktuelle

Kvalifikasjonar

Høgare naturfagleg utdanning(mastergrad eller tilsvarande). Relevant arbeidserfaring kan erstatte krav om formal kompetanse.
Det er ønskjeleg med relevant erfaring frå offentleg naturforvaltning, og spesielt frå forvaltning av verneområde.
Gode kommunikasjonsevner med god munnleg og skriftleg framstillingsevne på nynorsk.
Erfaring frå digitalt formidlingsarbeid er ein fordel.
God lokalkunnskap er ein fordel.
Førarkort for bil. Du må rekne med noko reising i jobben.

Personlege eigenskapar

Vi ser etter deg som

er strukturert og sjølvstendig
er fleksibel og løysingsorientert
tek initiativ og har god gjennomføringsevne
har gode samarbeidsevner, godt humør og bidrar positivt til arbeidsmiljøet
god rolleforståing med evne til å jobbe innanfor komplekse aktørnettverk

Ved vurdering av formelt kvalifiserte kandidatar vil personleg eigenskapar bli vektlagt.

Som tilsett hos Statsforvaltaren får du

interessante arbeidsoppgåver
eit kompetent og tverrfagleg arbeidsmiljø
ein arbeidsplass i utvikling
medlemskap i Statens pensjonskasse med god pensjonsordning, gunstig bustadlån og forsikringsordning
trening i arbeidstida
delvis heimekontor
fleksibel arbeidstid
løn i samsvar med vår lokale lønspolitikk

Vil du jobbe hos oss? | Statsforvaltaren i Vestland

Arbeidsstaden ligg i kommunar som er omfatta av den nye ordninga for sletting av studiegjeld. Det vil seie at etter eitt år som yrkesaktiv kan du få sletta 25 000 kroner av studielånet ditt.

Vi ønskjer mangfald

Statsforvaltaren ønskjer mangfald, og vil leggje til rette for eit inkluderande arbeidsliv. Aktuell tilrettelegging kan for eksempel vere tekniske hjelpemiddel, tilpassing av møblar eller endringar av rutinar, arbeidsoppgåver og arbeidstid.

Vi meiner at inkludering og mangfald er ein styrke. Vi ønskjer tilsette med ulik kompetanse, fagkombinasjonar, livserfaring og perspektiv for å bidra til endå betre oppgåveløysing.

Vi oppmodar alle kvalifiserte kandidatar til å søkje utan omsyn til alder, kjønn, nasjonal eller etnisk bakgrunn, funksjonsevne eller hol i CV-en. Vi oppmodar om å krysse av i jobbsøkjarportalen dersom du har nedsett funksjonsevne, hol i CV-en eller innvandrarbakgrunn. Dersom det er kvalifiserte søkjarar frå desse gruppene kallar vi inn minst ein søkjar i kvar av gruppene til intervju.

Vilkår

Alle som søkjer stillinga må søkje digitalt gjennom rekrutteringsportalen Jobbnorge. Du må laste opp relevante vitnemål og attestar. Vitnemål og/eller karakterutskrifter hentar du frå vitnemålsportalen i Jobbnorge. Har du utdanning frå utlandet legg du ved godkjenning frå HK-dir.

Når søknadsfristen er ute, vurderer vi søknaden din på bakgrunn av informasjonen du har sendt oss. Det er derfor viktig at du både i søknadsbrevet og CV-en, viser korleis kompetansen din fyller krava som er sett i utlysinga.

Stillinga er lønna i stillingskode 1434 rådgjevar/1364 seniorrådgjevar, frå kr 610 000–770 000 brutto per år ut frå kvalifikasjonar og lokal lønnspolitikk. Stilling som seniorrådgjevar har strenge krav til kompetanse. For særskilt kvalifiserte søkjarar kan vi vurdere høgare lønn.

Dei første seks månadane er prøvetid. Du kan lese meir om det i statens personalhandbok.

Tenestemålet til embetet er nynorsk.

Offentleg søkjarliste blir utarbeidd etter søknadsfrist. Dersom du ønskjer å reservere deg frå oppføring må du grunngje dette. Du får varsel om reservasjon i rekrutteringsportalen dersom reservasjon ikkje blir teken til følgje.

Verneområdeforvaltar