Rådgivar/seniorrådgivar - vassforvaltning

Stillinga er plassert i verksemdsområdet for berekraftig naturbruk, under seksjon for naturforvaltning. Seksjonen har 10 medarbeidarar. Vi arbeider med overvaking og forvaltning av vassdrag frå fjell til kyst, og bidrar til å sikre god økologisk og kjemisk tilstand i vassførekomstane i fylket. Stillinga vil bli knytt opp mot fagmiljøet innanfor ferskvatn. Stillinga er fast.

Arbeidsoppgåver

Du skal i hovudsak arbeide med saksbehandling knytt til vassforskrifta, vassressurslova og laks- og innlandsfiskelova. Det betyr at du skal arbeide med

fagsystema vannmiljø og vann-nett
karakterisering og klassifisering av vassførekomstane i samråd med andre styresmakter
overvåking av vassmiljø gjennom innsamling og vurdering av data om vasskvalitet, påverknader og miljøtilstand
rettleiing til andre sektorar, kommunar og vassområde
oppfølging, restaurering og gjennomføring av andre naturtiltak
tiltak på eige sektorområde, i tråd med plan og tiltaksprogram
informasjonstiltak

Du vil ha utstrekt samarbeid med lokale og regionale styresmakter, organisasjonar og grunneigarar. Du vil då kunne vere i kontakt med folk som har både likt og ulikt syn i saka som Statsforvaltaren.
Det blir noko reising. Andre oppgåver enn dei som er omtalt ovanfor kan og bli tillagt deg.

Kvalifikasjonar

Du har

mastergrad eller tilsvarande innan biologi, naturforvaltning, økologi eller hydrologi
god kunnskap om ferskvassøkologi
gode skriftlege formuleringsevner
god talforståing og er i stand til å vurdere større datamengder
førarkort klasse B

Det er ein fordel at du har

erfaring frå vassforvaltningsarbeid, vassdragsforvaltning eller fiskeforvaltning etter laks- og innlandsfiskelova.
noko kunnskap om kystsoneforvaltning / marin biologi

Vi vektlegg personlege eigenskapar spesielt. Du

er analytisk og kan difor balansere naturomsyn, samfunnsomsyn, regelverk og ulike partar
samarbeider og kommuniserer godt med andre
arbeider sjølvstendig og målretta
kan stå i faglige uenigheter og kan handtere desse på ein roleg og løysingsorientert måte

Hos oss får du

ein stabil arbeidsgivar med fleksibel arbeidstid
løn som 1434 rådgivar/ 1364 seniorrådgivar med lønsspenn frå kr.600.000,- til kr.800.000,- . Lønsplassering ut frå kvalifikasjonar, erfaring og lokal lønnspolitikk. I særskilte tilfelle kan høgare lønn vurderast. Stilling som seniorrådgivar har større ansvar og særskilte krav til kompetanse innan fagområdet.
tilsetting etter gjeldande lover, instruksar og reglement. Dei første seks månadene er prøvetid
medlemskap i ei av landets beste pensjonsordningar, Statens pensjonskasse (SPK). Vi trekker 2 prosent av løna di, og i tillegg betaler vi eit innskot til pensjonsordninga di. I SPK får du særs gode pensjons- og forsikringsordningar samt gunstige vilkår for lån til bustad (https://spk.no/Medlemskap-i-SPK)
moglegheit for noko heimekontor når det er føremålsteneleg
høve til å trene i arbeidstida

Les meir om godane ved å jobbe i staten på Arbeidsgiverportalen (https://arbeidsgiver.dfo.no/lonn-goder-og-reise)
Utviklinga av organisasjonen vår er i kontinuerleg utvikling. Den som vert tilsett må difor vere open for endringar i organisering, oppgåver og ansvarsområde.

Mangfald

Eit godt arbeidsmiljø er prega av mangfald. Vi ønskjer medarbeidarar med ulike kompetansar, fagkombinasjonar, livserfaring og perspektiv for å bidra til ei enda betre oppgåveløysing. Vi oppfordrar difor alle kvalifiserte kandidatar til å søkje utan omsyn til alder, kjønn, funksjonsevne eller etnisk bakgrunn. Du er også velkomen til å søkje sjølv om du ikkje kan vise til ein samanhengande yrkeskarriere. Vi legg til rette for medarbeidarar som har behov for det.

Har du ei funksjonsnedsetting, hol i CV-en eller innvandrarbakgrunn, kan du bli positivt særbehandla om du set kryss for dette når du søkjer stillinga. Du kan lese meir om dette på arbeidsgivarportalen (https://arbeidsgiver.dfo.no/positivsaerbehandling).

Praktisk informasjon om søknadsprosessen

Alle som søkjer stillinga må søkje digitalt. Når søknadsfristen går ut, vurderer vi søknaden din på bakgrunn av informasjonen du har sendt oss. Det er difor viktig at du både i søknadsbrevet og CV-en, viser korleis kompetansen din fyller krava som er satt i utlysinga.
Det er viktig at du registrere all relevant utdanning og arbeidserfaring i kandidatprofilen du opprettar i rekrutteringssystemet (sjølv om du legg ved ein ferdigutfylt CV). Dette er nødvendig for at vi skal kunne vurdere søknadar frå deg og for å ivareta kravet om fullstendig søkjarliste.
Relevante vitnemål og attester lastar du opp. Vitnemål og/eller karakterutskrifter kan du gjerne hente frå vitnemålsportalen. Har du utdanning frå utlandet, legg du ved godkjenning frå NOKUT/Direktoratet for høyere utdanning og kompetanse. Vedlegg lastar du opp i PDF-format.
Offentleg søkjarliste blir utarbeidd etter søknadsfristens utløp. Om du ønskjer å reservere deg frå den offentlege søkjarlista, må du grunngje dette særskilt. For at vi skal kunne vurdere ønskjet ditt om reservasjon, må du grunngje konkret kva for ulempe det vil ha for deg å stå på den offentlege søkjarlista. Du vil bli varsla om ønsket ditt ikkje vert tatt til følgje. Vi gjer merksam på at søkjarlista kan bli offentleg sjølv om du som søkjar ber om anonymitet jf. offentleglova § 25.

Om oss

Statsforvaltaren er Kongen og Regjeringa sin fremste representant i fylket. Vi har ansvaret for å informere om statleg politikk og sette handlingsplanar ut i livet. Oppgåvene er i hovudsak rettleiing, tilsyn og klagebehandling retta mot enkeltpersonar, kommunar og bedrifter. Dette gjeld innan kommuneøkonomi og forvaltning, sosial- og familierettslege saker, samfunnstryggleik og beredskap, helse, utdanning, landbruk og miljøvern. Vi er ein kompetansearbeidsplass med om lag 150 medarbeidarar som jobbar for visjonen vår «Trygg framtid for folk og natur».
Har du spørsmål om stillinga? Ta gjerne kontakt med rekrutterande leiar Linda Aaram på telefon (Norge +47) 97503185.

Søknadsfrist: 09.08.2026